来源：台词网(TaiCiWang.COM)发布时间：2014-10-15
时间： 某天晚上；
地点： 大发家里；
人物： 大发——男，30多岁，职工；
阿好——女，近30岁，大发的妻子，无业；
刘主任——居委会主任。
[幕启，传来婴儿啼哭声。
[阿好抱着一个婴儿，不断地哄。
阿好 哀，大妹乖……大妹唔好喊，妈妈锡晒。
[婴儿啼哭声止，阿好露出满意的笑，突然又传来啼哭声。
阿好 （放下婴儿，抱起另一个婴儿）哎呀，大妹啱啱先收声，又到细妹你喊啦？乖，唔好喊……
[又传来另一把啼哭声，两个孩子一起哭。
阿好 （同时抱起两个婴儿）大妹，细妹，唔好喊，妈妈锡晒你哋。（不断哄小孩，有点狼狈）
[大发推门而进，见状。
大发 哇，两个一起嚟“虾”妈妈啊？嚟，等爸爸锡下你哋。（忙过去接过其中一个孩子）
[两夫妻一起哄小孩，婴儿啼哭声很快止住了。
阿好 老公，佢哋唔喊啦！
大发 梗係啦，老豆出马噃。老婆，日日要你凑呢两个细路，辛唔辛苦啊？
阿好 辛苦？自己个女嚟咖，点会辛苦啊？你睇佢哋几得意，如果唔係眼盲咗……（黯然伤神）
大发 唔怕，我哋两个女似我咁聪明，第日一定有出息嘅。
阿好 不过，如果第日大个咗，可以有人照顾到佢哋就好啦。
大发 （想了一想）老婆啊，劬唔劬啊？坐低我帮你按摩下？
阿好 做乜无端端帮我按摩啊？
大发 人哋都系想锡下你之嘛。
阿好 （从大发的眼神中发现异样）係唔係有嘢想同我讲？
大发 老婆，你真系聪明咖唧……不过我讲出嚟，你唔好吓亲噃。
阿好 你越咁讲我越惊啊，你快啲讲啦！
大发 老婆啊，不如我哋……离婚啰！
阿好 （惊呼高叫）乜话？
[又传来婴儿啼哭声，大发和阿好各自抱着一个，哭声渐停。两人轻轻放下孩子。
阿好 （低声，又愤怒地）你讲，你係唔係包“二奶”？
大发 唔係……
阿好 仲呃我？枉我日日喺屋企洗衫煮饭凑仔。你竟然喺出面风流快活，仲要同我离婚？（激动地掐着大发的脖子）
大发 （被陷得喘不过气来）听我说……我哋係是……假离婚！
阿好 （松手，疑惑地）假离婚？
大发 係啊，係为咗再生一个。
阿好 你想讲乜嘢啊？
大发 呢个係我嘅计划啊。我听同事讲，离婚嘅夫妻，冇带住细路嘅一方，可以再生一个咖！咁我哋就离咗婚先，细路归我，你再同其他人办结婚证。但係我哋继续住埋一齐，然后你帮我生多个，之后我哋再复婚！
阿好 咁得唔得咖？
大发 你头先都话啦，如果大妹细妹大个咗之后，有个细佬妹照顾下嘅话，好好多咖。
阿好 咁又係嘅。但係，俾街坊都知道我离咗婚，咁会点睇我啊？仲以为我有乜嘢问题添啊。
大发 你冇问题，係我有问题。你就好似头先咁，话俾人知我包二奶，咁你就大条道理同我离婚啦！
阿好 咁未个个都当你係衰人啰？
大发 为咗你，为咗我哋嘅细路，又有乜所谓唧？
阿好 等我考虑下先啦。
[刘主任拿着小册子上，敲了敲门。
阿好 边个啊？
大发 等我去睇下。（在猫眼上看了一看，吃惊）居委会刘主任啊。
主任 （继续敲门）大发，阿好，喺唔喺屋企啊？
大发 刘主任，麻烦等一阵。（对阿好小声地）老婆，我哋嘅计划要开始啦。
阿好 开始？点开始啊？
大发 总之就同刘主任讲我包二奶，然后同我“闹离婚”！
阿好 （紧张地）咁呃人，我唔识咖噃。
大发 唔紧要，定啲嚟就得咖啦。不过记住，一阵我讲嘢难听啲，你唔好嬲噃，你同我讲嘢都越难听越好啊。我开门啦。
[开门，刘主任进内。
大发 刘主任，唔好意思，要你等咁耐。
主任 我唔好意思就真，你哋忙紧啊？
大发 哦，唔係，我哋吵紧交之嘛，都差唔多吵完咖啦。
主任 （一时语塞）吵……吵交？因乜事吵啊？
大发 小事，小事。（故意凶恶地）衰婆，仲唔斟杯茶俾刘主任？
阿好 哦！（听话地欲斟茶）
大发 叫你斟就斟，木偶啊？你有冇脑咖？
主任 大发啊，“相嗌唔好口”啊，有乜嘢，唔啱讲到啱之嘛。你哋到底有乜问题啊？
大发 哼，你问佢啦。
主任 阿好，大发又激亲你啊？
阿好 （随意地）冇啊。
大发 （一惊，提醒道）你头先唔係对我好多意见嘅咩？讲俾刘主任听啦。
阿好 （紧张）意见……冇意见……
大发 冇意见？咁……咁今晚我唔喺屋企瞓啦，我去“咪咪”度。
主任 “咪咪”？边个嚟咖？
大发 你讲俾刘主任听啦。
阿好 係……係大发喺出面包嘅“二奶”。
主任 乜话？大发，你包“二奶”？
大发 喺啊，刘主任，其实喺你未入嚟之前，我都已经同佢讲咗咖啦。我对佢真係一啲感觉都冇，我决定同佢离婚。
主任 大发，阿好对你咁好，你仲係唔係人嚟咖？
大发 你睇下佢吖，结婚嗰阵边係咁嘅款咖唧？依家成个黄面婆咁，同当年一比，简直货不对版，咁我係唔係应该“退货”吖？
阿好 （受不了）你讲乜嘢啊？
大发 讲事实啰？依家离婚係好事，唔使等我发现你越嚟越多缺点。
阿好 （真生气了）你个衰人，我点解会变成黄面婆啊？又要照顾两个残疾嘅细路，又要服侍你！一日最衰都係你啊！（气愤得拿着枕头一扔过去）
大发 服侍我又点啊？要煮饭洗衫凑仔，我不如请个工人！（又把枕头扔回去）
[两个人在沙发两边不断地扔枕头，刘主任挡在中间，阻止二人。
主任 好啦，唔好再吵啦！（阻拦过程中，一不小心弄痛阿好的手）
阿好 哎哟！本文来自小品网：http://www.playauthor.com
大发 （条件反射地走到阿好身边）老婆，你冇事吖嘛？
阿好 冇事啊老公。
主任 （觉得有点不对劲）大发，乜你仲咁关心佢啊？
大发 （自知露馅了）我……我费事佢有乜事，走嚟要问我攞汤药费啊。
主任 （半信半疑地）你哋真係打算离婚？
大发 係！咁都有假嘅咩。
主任 （想了想，看到两个婴儿）你哋两个依家咁嘅情况，唔係好适合小朋友成长咖啦。不如咁啦，呢段时间我可以凑大妹同细妹一段时间，等你两个搞掂你哋嘅事，决定两个细路跟边个，先接佢哋番去啦。
阿好 （急了）刘主任，咁点得咖？
主任 乜唔得唧，唔通你想两个细路日日听住你两个吵交咩？
大发 （也有点急）刘主任，点好意思劳烦你啊。
主任 大家街坊街里，有乜所谓吖。（看了看刚才弄得乱七八糟的场景）睇嚟你哋今日都係要继续大战咖啦，咁啦，今晚大妹细妹就跟我番屋企，唔阻你哋啦吓！（抱起一个婴儿，欲抱第二个）
阿好 （忙上前阻拦）唔好啊！（对大发）老公啊，你同刘主任讲下啦，咁样嘅话，我宁愿唔生多个啦！
主任 生多个？
大发 （对阿好）你乱讲乜嘢啊？
主任 呵呵，果然冇估错，你哋係想扮离婚，谂办法生多个。
阿好 我哋都係谂到，大妹细妹都係残疾人，如果大个之后有个人照顾佢哋嘅话，会好好多。所以先谂出咁嘅办法。我哋都知错咖啦。
主任 梗係错啦，你哋错在，呢啲咁嘅事，都唔嚟问下我呢个居委会主任啊。
大发 咁讲法，刘主任，你肯帮我哋？
主任 你哋嘅谂法都有道理，我实支持。
大发 咁你唔会将我哋再生BB嘅事，讲俾人知？
主任 讲！要讲到所有街坊都知啊。
大发 刘主任啊，你越讲我越乱啦，你可唔可以讲清楚啲啊？
主任 其实今日呢，我係为咗呢样嘢而嚟嘅。（拿出几本小册子，放到茶几上）
阿好 （拿起一本来看）广东省人口与计划生育条例？
主任 呢个係今年1月1日新修订实施嘅条例，（翻开一页）呢度讲明啊，“经地级以上市病残儿医学鉴定组织鉴定，第一个子女为残疾儿或者第一胎双胞胎（含多胞胎）子女均为残疾儿，不能成长为正常劳动力，且医学上认为可以再生育的，由夫妻双方共同申请，经乡镇、街道人口和计划生育工作机构或者县级以上直属农林场审批，可再生育一胎子女。”
[大发和阿好相视一眼，高兴得跳起来。
阿好 老公，我哋可以生多个啦，可以生多个啦！
大发 多谢刘主任，多谢刘主任。（伸手欲拥抱刘主任）
主任 （拦住）你多谢我做乜唧，计生条例又唔係我颁布嘅，你锡多啲你老婆，等佢健健康康，生番个精灵BB好过啦。
大发 老婆，以后所有家务，由我做啦，隔四年先生得，到时你都变高龄产妇啦，咁就唔係好似生大妹细妹嗰阵咁轻松咖啦。
主任 咁你又唔使担心。新条例已经取消咗对已婚育龄妇女按政策生育第二个子女应间隔四年嘅规定啦。
大发 咁未即係依家都可以生？刘主任你坐阵先下，我同老婆有啲紧要事要做啊。（欲拉阿好入房）
阿好 （脸红了）老公你做乜咁急唧？
大发 趁热打铁吖嘛。
主任 虽然话生得，但係一定要按足程序申请，经过审批先可以生咖！
阿好 听到未啊？
大发 我知啊，不过想搞下气氛之嘛。
阿好 不过，我成日都有病，年纪又唔算细啦，我惊再生一个，会有危险啊。
主任 为了保证生一个优生健康的孩子，怀孕前应当到医疗机构进行优生咨询，怀孕后进行全程产前检查、监护，这样仲可以最大限度地减少残疾儿出生的风险。如果仲係担心呢样嘢嘅，不妨收养一个吖，咁大妹细妹大个之后，一样有人照顾。
大发 老婆啊，如果生得，梗係自己生啦，你嘅健康问题，包喺我身上！
主任 睇下你老公几锡你？
阿好 我不嬲都知我老公好咖。转自：http://taiciwang.com/
主任 嗱，下次就唔好谂埋晒“假结婚”呢啲计仔啦，日后被人揭发，仲係要按超生处罚咖，新条例里面嘅处罚制度更规范，唔到你做假咖。
大发 有咗咁人性化嘅新条例，我哋又点会谂咁多“屎桥”吖！
主任 梗係啦，新条例更加以人为本，关注民生咖嘛。
阿好 今日真係多谢晒你啊刘主任，不如留低食餐便饭吖。
主任 （心里一惊）乜到食饭时间啦咩？
阿好 係啊，都成七点咖啦。
主任 弊，成日顾住宣传新计生条例，连食饭都唔记得添，实俾老婆闹！唔讲咁多，我走先啦！（急下）
[大发和阿好相视一笑。
[两个婴儿又哭起来，阿好和大发忙抱起来哄着，满脸幸福。
